News Sharp Sharp

Dis na News Sharp Sharp for today – September 22, 2019:

Tony Dansu wey be secretary of ASUU for inside LASU don beg governor of Lagos state, Babajide Sanwo-Olu say make make im help for the matter of oga of the group wey dem pursue.

Oga Dansu for one interview with news people for Lagos beg oga Sanwo-Olu after dem pursue 3 executive member of the union …..the university council bin sack 5 other lecturers too dem.

For their 122nd meeting wey shele for September 12, dem been promote some staff and pursue some staff for both academic and non academic sector.

President Muhammadu Buhari for Federal executive meeting don approve contracts for some road wey dey inside country. Presidency say the road worth of over N182billion.

Buhari Sallau wey be presidential aide write some of the road wey dem won do ontop im instagram page.
Lagos-Badagary expressroad to Benin Republic follow for the road wey wey dem won do.

Federal government don send 3 man team to dey for the event wey go happen for United Nations.
Dem go see as dem go swear in Prof Tijani Muhammad Bande as Nigerian permanent representative to united nations.

The ceremony go shele for United nations New York headquarters today and tomorrow. This one go happen before High level week of United Nation General Assembly.

Tunisia dey hold dia second free presidential election since 2011 katakata wey commot Ben Ali wey be dia former presido. Na im still bring “Arab spring” for the country.

This one been happen from November after Tunisia first president wey dem choose for democracy level come office for 2014.

26 people wey 2 women follow, dey run for this presidential election.
Meanwhile Tunisia Prime Minister tell news people say if economic opportunities go need better for the country, Tunisia go need join club of strong democracy.

Iran don accuse US say dem dey pretend after Mike Pompeo wey be US secretary of state say na Iran spoil drone attack for two Saudi oil facilities.

Iran foreign minister say as dem blame Iran no mean say the disaster go end.

Saudi Arabia say the strike wey happen on Saturday make dem to postpone production of 5.7 million barrel of oil.

People go dey chook eye for the market as sabi people dey expect say price go go up.

Liverpool don open one 5 point lead ontop premier league as Manchester city fall to 3-2 defeat for Norwich

5way draw.. dey between the people wey dey fight for final two champions league place this season… with Manchester United, Tottenham, Chelsea, Arsenal and Leicester city. Meanwhile, all of dem dey for 8 points from the opening 5 game.

Join us tomorrow for another edition of News Sharp Sharp

Play Cover Track Title
Track Authors